კონფიდენციალურობის პოლიტიკა

ეს პოლიტიკა ეხება მობილურ აპლიკაციას „წიგნი ერთ წუთში“ (iOS და Android) და ვებსაიტს bookminute.ge. მასში აღწერილია, რა მონაცემებს ვამუშავებთ, რატომ, რამდენ ხანს ვინახავთ და როგორ შეგიძლია შენი უფლებების გამოყენება.

1. ვინ ვართ

მონაცემთა დამმუშავებელია მერაბ ელიკაშვილი, ინდივიდუალური მეწარმე, საიდენტიფიკაციო კოდი 59001046826, მისამართი: საქართველო, ქ. გორი, სტალინის გამზ. N6, ბ. 16. კონფიდენციალურობის საკითხებზე მოგვწერე: privacy@bookminute.ge.

2. ანგარიშის გარეშე

ვიდეოების ყურება, წიგნების დათვალიერება და მაღაზიების ბმულების გახსნა შესაძლებელია ანგარიშის გარეშე. ამ დროს ჩვენ არ ვქმნით შენს პროფილს და არ ვინახავთ, რას უყურებ.

როცა აპი ან საიტი ტვირთავს კატალოგს, სურათებს ან ვიდეოს, ჩვენი ტექნიკური პარტნიორების სერვერები (იხ. მე-5 ნაწილი) ამუშავებენ შენს IP მისამართს და ტექნიკურ მონაცემებს (მაგ. მოთხოვნის დრო, ბრაუზერის ან აპის ვერსია). ეს საჭიროა შინაარსის მოსაწოდებლად და უსაფრთხოებისთვის, და ეს ჩანაწერები პარტნიორების ლოგებში შეზღუდული ვადით ინახება.

აპში არ არის რეკლამა, ანალიტიკის ან თვალთვალის ინსტრუმენტები. ჩვენ არ ვაგროვებთ მდებარეობას, კონტაქტებს, ფოტოებს და არ ვიყენებთ კამერას ან მიკროფონს.

3. რას ვაგროვებთ, თუ ანგარიშს ქმნი

• ანგარიშის მონაცემები: ელფოსტა; პაროლი — მხოლოდ დაშიფრული (ჰეშირებული) სახით, ჩვენ მას ვერ ვხედავთ; სახელი, თუ თავად მიუთითებ.
• Google-ით შესვლისას: Google გვაწვდის შენს ელფოსტას, სახელს, Google ანგარიშის იდენტიფიკატორს და პროფილის სურათის ბმულს. Apple-ით შესვლა მოგვიანებით დაემატება და ამ პოლიტიკაში აისახება.
• შენი ბიბლიოთეკა: შენახული წიგნები, მოწონებული წიგნები და ყურების ისტორია (რომელ ვიდეოს უყურე, სად გაჩერდი, როდის დაასრულე) — იმისთვის, რომ სხვა მოწყობილობაზეც გააგრძელო.
• წიგნის მოთხოვნები: მოთხოვნილი წიგნის სათაური და ავტორი, შენი ხმები. მოთხოვნების სია და ხმების რაოდენობა საჯაროა, მაგრამ ვინ მოითხოვა ან ვინ მისცა ხმა — არა.
• სესიის მონაცემები მოწყობილობაზე: შესვლის ტოკენი ინახება ტელეფონის დაცულ საცავში (iOS Keychain / Android Keystore).

4. სხვა შემთხვევები

• მოლოდინის სია: თუ საიტზე დატოვებ ელფოსტას, ვინახავთ მას, თანხმობის დროს და გვერდს, საიდანაც დარეგისტრირდი (შენი თანხმობით). გამოვიყენებთ მხოლოდ აპის გაშვების შესახებ შეტყობინებისთვის. სიიდან გასასვლელად მოგვწერე privacy@bookminute.ge.
• ვებსაიტი: ანალიტიკის ან სარეკლამო cookie-ებს არ ვიყენებთ. მოლოდინის სიის ფორმას ბოტებისგან იცავს Cloudflare Turnstile, ხოლო ზედმეტად ხშირ მცდელობებს ვზღუდავთ IP მისამართის მიხედვით; ამ შემოწმებისას IP მისამართს Cloudflare ამუშავებს და ჩვენ მას არ ვინახავთ.
• ვებსაიტის სტატისტიკა: bookminute.ge-ზე ვიზიტების ანონიმურ სტატისტიკას (მაგ. რომელი გვერდები იხსნება და რამდენჯერ, ჩატვირთვის სიჩქარე) აგროვებს Cloudflare Web Analytics. ის არ იყენებს cookie-ებს, არ აგროვებს პერსონალურ მონაცემებს და არ გადევნებს თვალს სხვა საიტებზე. აპში ანალიტიკა არ არის.
• ანგარიშის წაშლა საიტიდან: როცა /delete-account გვერდზე შედიხარ, შესვლის სესია მხოლოდ ბრაუზერის ამ ჩანართში (sessionStorage) ინახება და წაშლის შემდეგ იშლება.
• კორესპონდენცია: თუ მოგვწერ, ვინახავთ შენს წერილს და პასუხს.

5. რატომ ვამუშავებთ მონაცემებს

• ანგარიშის, ბიბლიოთეკის და სინქრონიზაციის მომსახურების მისაწოდებლად (ხელშეკრულების შესრულება);
• სერვისური წერილებისთვის — ელფოსტის დადასტურება, პაროლის აღდგენა;
• უსაფრთხოებისა და ბოროტად გამოყენების თავიდან ასაცილებლად, მაგ. მოთხოვნების ლიმიტები (კანონიერი ინტერესი);
• მოლოდინის სიის შეტყობინებისთვის (შენი თანხმობა, რომლის გამოხმობაც ნებისმიერ დროს შეგიძლია);
• კანონით დაკისრებული მოვალეობების შესასრულებლად.

მონაცემებს არ ვყიდით და რეკლამისთვის არ ვიყენებთ.

6. ვის ვუზიარებთ (დამუშავებაზე უფლებამოსილი პირები)

მომავალში: push-შეტყობინებები (Expo, Firebase Cloud Messaging, Apple Push Notification service) და გადახდები (App Store, Google Play და გამოწერების მართვის სერვისი). ამ ფუნქციების ჩართვამდე პოლიტიკას განვაახლებთ.

ზოგიერთი პარტნიორი საქართველოსა და ევროკავშირის ფარგლებს გარეთ მდებარეობს. ასეთ შემთხვევაში მონაცემებს გადავცემთ მხოლოდ „პერსონალურ მონაცემთა დაცვის შესახებ“ საქართველოს კანონით დაშვებული საფუძვლით და დაცვის სათანადო გარანტიებით — პარტნიორებთან გაფორმებული სტანდარტული სახელშეკრულებო დებულებებით (მაგ., ევროკომისიის სტანდარტული სახელშეკრულებო დებულებები).

მონაცემები შეიძლება გადავცეთ სახელმწიფო ორგანოს მხოლოდ კანონით გათვალისწინებულ შემთხვევაში.

7. რამდენ ხანს ვინახავთ

• ანგარიშის მონაცემები და ბიბლიოთეკა — სანამ ანგარიშს არ წაშლი.
• ანგარიშის წაშლისას შენი ანგარიში, ელფოსტა, სახელი, შენახული და მოწონებული წიგნები, ყურების ისტორია და ხმები მაშინვე იშლება. შენ მიერ შექმნილი წიგნის მოთხოვნა შეიძლება დარჩეს სიაში, მაგრამ შენთან კავშირის გარეშე.
• სარეზერვო ასლებიდან მონაცემები ქრება მათი როტაციისას, არაუმეტეს 30 დღეში.
• მოლოდინის სია — აპის გაშვების შეტყობინებამდე და შემდეგ არაუმეტეს 12 თვისა, ან სანამ სიიდან არ გახვალ.
• პარტნიორების ტექნიკური ლოგები — მათი წესების მიხედვით, როგორც წესი, არაუმეტეს 30 დღისა.

8. შენი უფლებები

შეგიძლია მოითხოვო შენს მონაცემებზე წვდომა, მათი ასლი, გასწორება, წაშლა, დამუშავების შეზღუდვა ან შეწყვეტა, მონაცემების გადატანა და თანხმობის გამოხმობა. მოგვწერე privacy@bookminute.ge — გიპასუხებთ კანონით დადგენილ ვადაში. ანგარიშის წაშლა შეგიძლია აპიდანაც და ამ გვერდიდანაც.

გაქვს უფლება, საჩივრით მიმართო საქართველოს პერსონალურ მონაცემთა დაცვის სამსახურს (personaldata.ge).

9. ბავშვები

ვიდეოები ყველასთვის ხელმისაწვდომია ანგარიშის გარეშე, მათ შორის მოსწავლეებისთვის. ანგარიშის შექმნა შეუძლია მხოლოდ 16 წლის ასაკს მიღწეულ პირს. თუ ფიქრობ, რომ ანგარიში ამ ასაკზე უმცროსმა შექმნა, მოგვწერე და წავშლით.

10. უსაფრთხოება

კავშირი დაშიფრულია (HTTPS/TLS), პაროლები ინახება მხოლოდ ჰეშირებული სახით, ბაზაში მოქმედებს მწკრივის დონის წვდომის წესები — თითოეულ მომხმარებელს მხოლოდ საკუთარ მონაცემებზე აქვს წვდომა. სრული უსაფრთხოება ვერცერთი სისტემით გარანტირდება, მაგრამ რისკებს მუდმივად ვამცირებთ.

11. ცვლილებები

პოლიტიკის მნიშვნელოვან ცვლილებაზე შეგატყობინებთ აპში ან საიტზე. თარიღი გვერდის თავში მიუთითებს ბოლო განახლებას.